Benvida ao foro da Cig-Saúde de Ferrol

Benvidos a todos e todas a este novo foro de opinión e debate.

Pretendemos deste foro que sexa unha ferramenta válida de opinión e debate no día a día. Non é un foro de preguntas para que a Cig responda, o que non quere dicir que non o fagamos, sempre que podamos, por suposto, o faremos, e dicir, non é un espazo de preguntas e respostas traballador/sindicato. Tampouco é un substituto de asembleas nen da relación coa sección sindical. Sempre que se precise información o mellor é achegarse ao local sindical ou poñerse en contacto co sindicato via email ou via telefono.

Creamos en principìo dúas categorías, unha de noticias e unha específica de oposicións. Estamos abertos a todo tipo de ideas sobre a estructuración do foro ou da inclusión na categoría de Oposicións daqueles novos foros sobre categorías profesionais. O noso email de contacto é cigsaudeferrol@gmail.com ou tamén podedes usar o sistema de mensaxes privadas que ofrece este foro.

Para participar do foro, só pedimos, en principio, o rexistro no foro que é automático. Depende de todos que isto continúe así. Lembramos tamén que ao aceptar o rexistro se aceptan unha serie de normas de conducta no foro.

Ferrol, a 10 de decembro de 2008
Cig-Saúde Ferrol